Aksidenti ajror në Bosnje, trupat e katër ushtarakëve riatdhesohen nesër në Romë

Europë | 1 minutë më parë

Trupat e katër ushtarakëve që humbën jetën në rrëzimin tragjik të helikopterit në Bosnje gjatë ditës së enjte pritet të kthehen në atdhe mëngjesin e ditës së nesërme.

Pjesëtarët e forcave të armatosura që ranë në krye të detyrës janë rreshterët Simone Ruggia dhe Claudio Marchesi, si dhe dy anëtarë të Korpusit Ushtarak të Kryqit të Kuq, toger Franco Adriano Zecchillo dhe rreshtere Laura Procacci.

Sipas njoftimeve zyrtare, fluturimi ushtarak që do të bëjë transportimin e trupave do të zbarkojë në aeroportin e Ciampinos në Romë, ku pritet të kryhen edhe nderimet përkatëse shtetërore.

“Sipas njoftimeve, aeroplani ushtarak që transportonte trupat e rreshterëve Simone Ruggia dhe Claudio Marchesi dhe anëtarëve të Korpusit Ushtarak të Kryqit të Kuq, toger Franco Adriano Zecchillo dhe rreshtere Laura Procacci, do të ulet në aeroportin Ciampino,” konfirmohet nga burimet zyrtare.

Riatdhesimi i trupave shënon fillimin e procedurave zyrtare të nderimit dhe përcjelljes së ushtarakëve, ndërsa autoritetet po vijojnë punën për zbardhjen e plotë të rrethanave të këtij aksidenti ajror.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.