Albin Kurti takime në Nju-Jork, kërkon forcimin e marrëdhënieve me SHBA dhe partnerët ndërkombëtarë
Kryeministri në detyrë i Kosovës, Albin Kurti, po zhvillon takime të nivelit të lartë ndërsa merr pjesë në Asamblesë së Përgjithshme të OKB-së në Nju-Jork.
Ai ka nisur bisedimet me kongresistin republikan Keith Self, ku diskutuan për bashkëpunimin Kosovë-SHBA në mbrojtje dhe siguri, si dhe për rolin e diasporës shqiptare.
Kurti foli për investimet në Forcën e Sigurisë së Kosovës dhe për heqjen e tarifave doganore ndaj produkteve amerikane.
Kryeministri në detyrë po përpiqet të forcojë marrëdhëniet bilaterale dhe të promovojë Kosovën si destinacion për investime të huaja.
Ai pritet të takohet edhe me komunitetin shqiptar në SHBA dhe me përfaqësues të diasporës. Vizita e tij vjen pas pezullimit nga SHBA i Dialogut Strategjik me Kosovën për shkak të tensioneve të fundit.
Ambasada amerikane në Prishtinë kritikoi veprimet e Qeverisë në detyrë si shkak për rritjen e paqëndrueshmërisë në vend.
Kurti pranoi se ekzistojnë dallime me SHBA, por mohoi prishjen e marrëdhënieve. Ai tha se mosmarrëveshjet lidhen kryesisht me qasjen ndaj Serbisë dhe strukturave ilegale atje.
Në Nju-Jork ndodhet edhe presidentja Vjosa Osmani, e cila ka zhvilluar takime me sekretarin amerikan të Shtetit dhe përfaqësuesen e BE-së.
Osmani kërkoi nga BE-ja heqjen e masave ndëshkuese ndaj Kosovës. Takimet janë pjesë e përpjekjeve për të thelluar bashkëpunimin ndërkombëtar dhe për të adresuar sfidat politike dhe ekonomike të vendit.
Gazetar: Artur Mata
/rtsh.al/