Anglia, Tuchel “përjashton” Bellingham nga skuadra

Trajneri i Anglisë, Thomas Tuchel, ka vendosur ta lërë Jude Bellingham jashtë ndeshjeve kualifikuese të Kupës së Botës kundër Uellsit dhe Letonisë. Një zgjedhje që, çuditërisht, gjen mbështetje nga shumica e tifozëve anglezë.

Mesfushori i Real Madridit, që vjen nga operacioni në shpatull, është rikuperuar, por ende nuk ka rifituar formën e tij më të mirë fizike. Edhe paraqitjet e tij të fundit për Los Blancos nuk kanë qenë të qëndrueshme. E njëjta gjë vlen edhe për ndeshjet e tij të fundit me ekipin kombëtar, ku ka pasur vështirësi me sjelljen e tij në fushë që është vlerësuar negativisht.

Prandaj, Tuchel preferoi të mos e sforconte kohën e rikuperimit të 21-vjeçarit, duke u mbështetur në një grup që, në shtator, arriti rezultate pozitive edhe pa të.

Sipas një sondazhi të kryer nga gazeta britanike Daily Mail, nga mbi 13,500 votues, 83% e tifozëve e miratuan vendimin e trajnerit. Kjo shifër konfirmon mbështetjen e plotë të tifozëve.