BE miraton paketën e 18-të të sanksioneve kundër Rusisë
Vendet e Bashkimit Evropian janë pajtuar të premten për miratimin e një pakete të re sanksionesh kundër Rusisë për shkak të luftës së saj në Ukrainë, si dhe për uljen e çmimit tavan për eksportet e naftës ruse.
Paketa e 18-të e ndëshkimeve ekonomike ndaj Rusisë, që kur ajo nisi pushtimin e vendit fqinj më 2022, u miratua pasi Sllovakia hoqi dorë nga kundërshtimi disa javor, pas bisedimeve me Brukselin lidhur me planet për t’i hequr gradualisht importet e gazit rus.
Paketa parashikon, ndër të tjera, një ulje të çmimit të naftës ruse të lejuar për eksport.
Konkretisht, paketa e fundit e sanksioneve kundër Rusisë do ta ulë çmimin maksimal të naftës bruto të G7-ës në 47.6 dollarë për fuçi.
Më parë, limiti ishte vendosur në 60 dollarë për fuçi, një çmim që konsiderohej shumë i lartë, duke pasur parasysh nivelin aktual të çmimeve të naftës në treg.
Paketa e sanksioneve ndalon gjithashtu transaksionet që lidhen me tubacionet e gazit Nord Stream të Rusisë dhe sektorin financiar të Rusisë.
“BE-ja sapo ka miratuar një nga paketat më të forta të sanksioneve kundër Rusisë deri më sot”, tha shefja e politikës së jashtme të BE-së, Kaia Kalas, për X.
We are standing firm.
— Kaja Kallas (@kajakallas) July 18, 2025
The EU just approved one of its strongest sanctions package against Russia to date.
We’re cutting the Kremlin’s war budget further, going after 105 more shadow fleet ships, their enablers, and limiting Russian banks’ access to funding. (1/3)
“E mirëpres marrëveshjen për paketën e 18-të të sanksioneve kundër Rusisë. Po godasim në zemër të makinës së luftës së Rusisë. Po synojmë sektorët bankarë, të energjisë dhe ushtarako-industrialë, duke përfshirë edhe një kufizim dinamik të çmimit të naftës. Presioni duhet të vazhdojë derisa Putini t’i japë fund kësaj lufte”, shkroi Presidentja e Komisionit Evropian, Ursula von der Leyen, në X.
I welcome the agreement on our 18th sanctions package against Russia.
— Ursula von der Leyen (@vonderleyen) July 18, 2025
We are striking at the heart of Russia's war machine.
Targeting its banking, energy and military-industrial sectors and including a new dynamic oil price cap.
The pressure is on.
It will stay on until…
Franca gjithashtu e mirëpriti vendimin. “Së bashku me Shtetet e Bashkuara, ne do ta detyrojmë Vladimir Putinin të arrijë një armëpushim” në Ukrainë, të cilën Rusia e pushtoi në vitin 2022, shkroi Ministri i Jashtëm Francez Jean-Noel Barrot në X.
C’est fait ! Nous, Européens, adoptons ce matin des sanctions sans précédent contre la Russie et les pays qui la soutiennent.
— Jean-Noël Barrot (@jnbarrot) July 18, 2025
La France a joué un rôle décisif. Avec les États-Unis, nous contraindrons Vladimir Poutine à un cessez-le-feu. ↓ https://t.co/fgjcgeqCJ5
Kjo u parapri nga heqja e kundërshtimeve nga Sllovakia, e cila kishte shprehur shqetësime në lidhje me mjaftueshmërinë e gazit pasi është e varur nga Rusia.
Sipas informacioneve, për të ndryshuar qëndrimin e saj, Bratislava siguroi garanci nga Komisioni Evropian për ndihmë në rast të mungesës së gazit, rritjes së çmimeve, tarifave të transmetimit ose ndërlikimeve ligjore, sipas kryeministrit sllovak Robert Fico.
/rtsh.al/