BRUKSEL – SHBA i paraqet BE-së një ofertë të re tregtare për të zgjidhur mosmarrëveshjen

BRUKSEL, 27 qershor /ATSH-DPA/- Shtetet e Bashkuara të Amerikës i kanë paraqitur Bashkimit Evropian një ofertë të re tregtare për të zgjidhur mosmarrëveshjen në vazhdim, konfirmoi sot Komisioni Evropian.

“Krahu ekzekutiv i BE-së po shqyrton dokumentin”, tha presidentja e komisionit, Ursula von der Leyen vonë, pas një samiti të BE-së në Bruksel.

“Jemi gati për një marrëveshje. Në të njëjtën kohë, po përgatitemi për arritjen e një marrëveshjeje të kënaqshme”, tha Von der Leyen.

As ajo, as presidenti i Këshillit Evropian Antonio Costa, nuk komentuan publikisht për përmbajtjen e dokumentit.

Megjithatë, është e pamundur që tarifa prej 10% ndaj pothuajse të gjitha importeve – të mund të negociohet plotësisht sipas propozimit të ri të SHBA-së për një marrëveshje kornizë.

Mund të ketë lëvizje për tarifat shtesë të SHBA-së të vendosura për importet e automjeteve, për shembull.

Kjo do të ngrinte pyetjen themelore nëse BE duhet të pranojë një tarifë të re bazë gjithëpërfshirëse – për të parandaluar përshkallëzimin e mëtejshëm të mosmarrëveshjes tregtare – apo nëse duhet të mbështetet në fuqinë e saj të tregut për të bindur Trump të tërhiqet. //a.i/