Balla: Kamza është kthyer në destinacion të turizmit dentar

TIRANË, 6 prill /ATSH/ Drejtuesi politik i Partisë Socialiste për Qarkun e Tiranës, Taulant Balla sëbashku me kryetarin e bashkisë së Kamzës, Rakip Suli, zhvilluan sot një vizitë në një klinikë dentare, një nga strukturat më moderne dentare në zonën e Paskuqanit.

Gjatë vizitës në këtë strukturë, Balla u shpreh se vetëm pak vite më parë ishte e vështirë të mendohej që ky qytet do të shndërrohej në një destinacion të rëndësishëm për turizmin mjekësor. Ai theksoi se investimet në klinika dentare dhe në struktura cilësore akomodimi kanë luajtur një rol kyç në këtë transformim.

Balla theksoi se zhvillimi i shpejtë i infrastrukturës shëndetësore dhe i shërbimeve mbështetëse jo vetëm që rrit cilësinë e jetesës për banorët, por gjithashtu tërheq një numër në rritje vizitorësh nga jashtë vendit.

1 nga 4

/a.f/r.e/