Balla në pritjen për festat kombëtare të Kuvajtit: Marrëdhënie të forta dhe turizëm në rritje

Kryetari i Grupit Parlamentar të Partisë Socialiste, Taulant Balla mori pjesë në pritjen e organizuar nga Ambasada e Kuvajtit me rastin e 65-vjetorit të Pavarësisë dhe 35-vjetorit të Çlirimit të këtij shteti.

“Shqipëria dhe Kuvajti kanë marrëdhënie të shkëlqyera, ndërsa vit pas viti po rritet numri i turistëve kuvajtjanë që zgjedhin të vizitojnë vendin tonë”, shkruan Balla në rrjetin social Facebook teksa e shoqëron me pamje nga ceremonia për festat kombëtare të Kuvajtit që përkujtohen më 25 dhe 26 shkurt, festa që nderojnë shpalljen e pavarësisë nga protektorati britanik më 19 qershor 1961.

Për shkak të temperaturave të larta në atë periudhë, festimet u zhvendosën në shkurt dhe u bashkuan me përvjetorin e ngjitjes në fron të Sheikh Abdullah Al-Salem Al-Sabah në vitin 1950, emiri i parë pas pavarësisë. Po në këtë muaj përkujtohet edhe fundi i Luftës së Gjirit dhe çlirimi i Kuvajtit nga pushtimi irakian më 26 shkurt 1991, me mbështetjen e Shteteve të Bashkuara të Amerikës.

/rtsh.al/