Bashkia Dropull gati hartat e “Paketës së Maleve”, shumë potencial tek “Bredhi i Sotirës”

Bashkia e Dropullit ka nisur zyrtarisht përcaktimin e zonave prioritare për zbatimin e “Paketës së Maleve”, duke u bërë pjesë aktive e planit kombëtar për zhvillimin ekonomik të zonave malore.

Në këtë kuadër, bashkia ka identifikuar sipërfaqe pyjore prej 10.5 hektarësh, ku përfshihet edhe zona e mbrojtur e Parkut Natyror “Bredhi i Sotirës”, si pjesë e territorit me potencial zhvillimi të kontrolluar.

Gjithashtu, në këtë bashki janë përcaktuar zonat prioritare për zhvillimin e agroturizmit në tre njësi administrative, ndërsa kanë nisur të depozitohen edhe kërkesat e para nga investitorët e interesuar.

Bashkia e Dropullit është e përfshirë gjithashtu në projekte ndërkufitare të Bashkimit Evropian, përfshirë projektin për zhvillimin e Pogonit malor, me synimin për një zhvillim të qëndrueshëm që respekton mjedisin.

/rtsh.al/