Bëhu pjesë e ekipit që çon Shqipërinë në BE – MEPJ fton ekspertët për t’u bashkuar skuadrës diplomatike në Bruksel
Ministria për Evropën dhe Punët e Jashtme (MEPJ), në kuadrin e zhvillimit të negociatave për anëtarësim në Bashkimin Evropian dhe të integrimit të përshpejtuar, ka shpallur thirrjen e dytë për shprehjen e interesit nga profesionistë dhe ekspertë shqiptarë për të qenë pjesë e ekipit të Misionit të Republikës së Shqipërisë pranë Bashkimit Evropian, në Bruksel, Belgjikë.
Sipas njoftimit zyrtar, thirrja është e hapur për nëpunësit e Shërbimit të Jashtëm, ata të Administratës Publike, si dhe çdo qytetar shqiptar – profesionist, brenda dhe jashtë vendit, që plotëson kriteret e përcaktuara sipas pozicioneve të hapura për rekrutim.
Kjo thirrje mbështetet në Ligjin nr. 24/2026 “Për Shërbimin e Jashtëm në Republikën e Shqipërisë” dhe synon të përfshijë ekspertizën më të mirë shqiptare në procesin e integrimit evropian.
MEPJ rikujton se vijon të jetë e hapur thirrja për 10 pozicionet e lira pranë Misionit të Republikës së Shqipërisë në BE, duke ftuar profesionistët shqiptarë të bëhen pjesë e skuadrës shqiptare në zemër të Bashkimit Evropian.
**Afati i aplikimit:** deri më **8 maj 2026**.
Pozicionet e lira
**Dimensioni Politik (4 pozicione):**
– Zëvendës Shef Misioni, Ministër Fuqiplotë
– Këshilltar për marrëdhëniet me Këshillin & DG ENEST
– Këshilltar për marrëdhëniet me Parlamentin Evropian
– Këshilltar për Komunikimin
**Dimensioni Sektorial (6 pozicione):**
– Koordinator i Dimensionit Sektorial, me gradë Ministër Këshilltar
– Këshilltar për “Shtetin e së Drejtës”
– Këshilltar për Bujqësinë dhe Zhvillimin Rural
– Këshilltar për Energjinë dhe Industrinë
– Sekretar i Parë për Konvergjencën dhe Zhvillimet Makroekonomike
– Sekretar i Parë për Mjedisin dhe Çështjet Sociale
/rtsh.al/