Berisha: Vlonjatët do qëndrojnë në anën e duhur të historisë me 11 maj

Kryedemokrati Sali Berisha ka përmbyllur fushatën elektorale në Qarkun e Vlorës. Mbrëmjen e sotme ai theksoi sërish se në 11 maj Shqipëria do të kaloijë në anën e duhur të historisë.

Ai tha se Aleanca për Shqipërinë Madhështore do të korrë një fitore të madhe në Vlorë dhe në të gjithë vendin.

“Vlora dhe vlonjatët në kohërat më të vështira kanë qëndruar në anën e drejtë të historisë. Kam bindje absolute se me 11 Maj do jenë në krye të anës së drejtë të historisë. Burrat dhe gratë që duan lirinë nuk mund të pranojnë burgosjen politike. Nuk mund të pranojnë farsën elektorale. Nuk mund të pranojnë dhunimin e të drejtave të qytetarëve. Vlora dhe vlonjatët më 11 Maj do qëndrojnë në anën e drejtë të historisë. I thërret historia sepse me 11 Maj ndahen me regjimin që boshatisi më shumë se kushdo tjetër Shqipërinë. Kthehet Sheshi në identitet, nuk ka asnjë diskutim, por turpi mbulon ata që shkelmojnë traditën tonë. Po Sheshi ishte një trashëgimi e mrekullueshme”, tha Berisha.