Ceremoni përkujtimore për 582-vjetorin e Besëlidhjes së Lezhës, të pranishëm drejtues vendorë të Shqipërisë e Kosovës

Në kuadër të 582-vjetorit të Besëlidhjes së Lezhës është zhvilluar një ceremoni përkujtimore ku janë vendosur kurora me lule nga autoritetet vendore dhe qendrore pranë monumentit Obelisku i Beselidhjes

Në ceremoninë përkujtimore ishin të pranishëm kryebashkiaku i Lezhës, Pjerin Ndreu, deputeti socialist  Ulsi Manja, kryebashkiaku i Prishtinës, Përparim Rama si dhe përfaqësues të tjerë nga të gjitha trevat shqiptare, komuniteteve fetare si dhe qytetarëve të shumtë që i janë bashkuar këtij përvjetori me vlera të veçanta historike dhe kombëtare.

Besëlidhja e Lezhës, një nga ngjarjet më të rëndësishme në historinë e kombit shqiptar, e udhëhequr nga heroi kombëtar Gjergj Kastrioti Skënderbeu më 2 mars 1444, shënoi bashkimin e principatave shqiptare në një front të përbashkët për mbrojtjen e trojeve nga pushtimi osman, duke mbetur simbol i unitetit dhe qëndresës kombëtare.

/rtsh.al/