Demokratët thellojnë epërsinë në Kongresin amerikan, sigurojnë shumicën në Dhomën e Përfaqësuesve dhe Senat
6 Nëntor 2026 | 13:44
Demokratët në SHBA kanë zgjeruar shumicën e tyre në Dhomën e Përfaqësuesve, ndërsa vijon numërimi i votave nga zgjedhjet e mesit të mandatit të zhvilluara të martën. Sipas raportimeve të mediave amerikane të premten, demokratët kanë siguruar deri më tani 253 vende, kundrejt 157 të fituara nga republikanët, ndërsa 25 gara mbeten ende pa u përcaktuar.
Edhe në Senat, demokratët kanë siguruar kontrollin, duke arritur në 54 vende së bashku me dy senatorët e pavarur që votojnë në grup me ta. Republikanët kanë siguruar 44 vende, ndërsa rezultatet e dy garave të mbetura ende nuk janë shpallur.
Ndërkohë, demokratët kanë ruajtur gjithashtu epërsinë në garat për guvernatorë, duke siguruar 28 poste kundrejt 20 të republikanëve. Garat në Alaska dhe Kansas vijojnë të jenë të ngushta, ndërsa rezultatet përfundimtare pritet të përcaktojnë ndarjen e plotë të pushtetit në nivel shtetëror.
Kryefaqja Shiko në:
Lajme të Sugjeruara
- 13:47 “Fol me kryeministrin”, Rama prezanton platformën e re të dialogut me qytetarët
- 13:36 Asnjë lojtar nuk do ta mbajë numrin 10 në miqësoret e Argjentinës
- 13:34 Irani i dërgon SHBA-së një propozim për çështjen bërthamore përmes Katarit
- 13:31 Ambasadorja holandeze në Shqipëri: Liria e medias kërkon vëmendje, dhuna në protesta na ka shokuar
- 13:12 Kenia dënon me 200 vite burg udhëheqësin e sektit fetar për vrasjen e 191 fëmijëve
- 13:09 Copernicus: Viti 2026, i dyti më i nxehtë në histori