Donald Trump: Besoj se do të marrim Grenlandën, 57,000 njerëzit e ishullit duan të jenë me ne

Presidenti amerikan Donald Trump ka shprehur besimin se SHBA do të marrë kontrollin e Grenlandës, pas raportimeve se ai pati një bisedë të nxehtë me kryeministren daneze Mette Frederiksen, e cila i tha atij se Groenlanda nuk është në shitje.

“Unë mendoj se do ta arrijmë,” u tha ai gazetarëve të shtunën, duke shtuar se 57,000 banorët e ishullit “duan të jenë me ne”.

Perspektiva e blerjes së Grenlandës është një çështje që Donald Trump e solli në tryezë gjatë mandatit të tij të parë në vitin 2019, ku ai deklaroi se njerëzit e ishullit janë pozitivë për këtë skenar.

“Nuk e di se çfarë pretendimi ka Danimarka për këtë, por do të ishte një akt shumë armiqësor nëse nuk do ta lejonin të ndodhte sepse është për mbrojtjen e botës së lirë”, theksoi ai, duke shtuar: “Unë mendoj se do të marrim Grenlandën sepse ka të bëjë me lirinë e botës”.

‘Nuk shitet’

Ndryshe nga vetëbesimi i Donald Trump, kryeministrat e Grenlandës dhe Danimarkës kanë thënë se Grenlanda nuk është në shitje.

Kryeministri i Grenlandë megjithatë shprehu gatishmërinë për të punuar më ngushtë me SHBA-në për çështjet e mbrojtjes dhe minierave.

Në të njëjtën kohë, Mette Frederiksen njoftoi se “Grenlanda i përket groenlandezëve” dhe se vetëm popullsia lokale mund të përcaktojë të ardhmen e saj.

Rëndësia strategjike për SHBA-në

Grenlanda është strategjikisht e rëndësishme për SHBA-në, pasi është rruga më e shkurtër nga Amerika e Veriut në Evropë.

Vitet e fundit ka pasur një interes në rritje për burimet natyrore të Groenlandës, duke përfshirë minierat e tokës së rrallë, uraniumit dhe hekurit.

Edhe pse gëzon autonomi të plotë, ishulli mbetet pjesë e mbretërisë së Danimarkë/vizionplus.tv