Donçiç ngjitet në “katedër”/ Basketbollisti nga Sllovenia shkëlqen për ekipin e tij, Lakers

Nuk është skuadra më e mirë e ligës.

Për momentin, Los Anxhelos Lejkërsat nuk mund ta pohojnë këtë, ndonëse deri në plej of ka kohë dhe shumëçka mund të ndryshojë.

Skuadra e madhe nga Kalifornia arriti një fitore të rëndësishme në fushën e Çikagos, në duelin e radhës në NBA, me rezultatin 129-118.

Ai që shkëlqeu mbi të gjithë ishte Luka Doncic, që realizoi një “dabëll-dabëll”.

Talenti I madh nga Sllovenia shënoi plot 46 pikë në vetëm 38 minuta në parket, dhe pasuroi statistikat me 15 asistë dhe 7 topa në tabela.

Edhe pse bëri gabime herë pas here në gjuajtjet e tij, sërish ylli nga Europa tregoi vlerën e tij të madh, dhe faktin se merr shumë përsipër në çdo moment.

Loja e tij mbuloi deri diku lodhjen e legjendës Lebron Xhejms, që nuk luajti keq, por jo deri në nivelin e tij të zakonshëm.

Mbreti I basketbollit pati 24 pikë në 33 minuta, dhe shtoi vetëm 5 topa në tabela e tri asiste.

Në moshën 41-vjeçare kjo gjë mund të pritet.

Lejkërsat mbajnë vendin e pestë në Konferencën Perëndimore me 28 fitore e 17 humbje, jo larg vendit të dytë që mbahet nga San Antonio Spërs.