Dosja “Partizani”, GJKKO rrëzon kërkesat e Malltezit dhe Argita Berishës për heqjen e sekuestros

Gjykata e Posaçme rrëzoi kërkesën e Jamarbër Malltezit dhe Argita Berishës për heqjen e sekuestros mbi 25 pasuri të tyre, duke lënë në fuqi vendimin e “ngrirjes” të marrë në kuadër të hetimeve për dosjen “Partizani”.

Vendimi u dha nga gjyqtarja Elsa Ulliri.

Ndërkohë nga ana tjetër seanca për këtë dosje në GJKKO u shty për më 10 nëntor, për shkak të mungesës së një avokati.

Dosja, e kaluar për gjykim më 19 maj, përfshin ish-kryeministrin Sali Berisha, i cili akuzohet për korrupsion pasiv të zyrtarëve të lartë, pasi dyshohet se ka ndërmarrë veprime ligjore që përfitonte dhëndrin e tij, Jamarbër Malltezi.

Gazetare: Lusi Përgjegji

/rtsh.al/