Dyshime për keqpërdorim të votave, Policia aksion në Prizren
PRISHTINË, 23 janar /ATSh/ Policia e Kosovës në bashkëpunim me Prokurorinë Themelore në Prizren është duke zhvilluar një operacion në rajonin e Prizrenit lidhur me dyshimet për keqpërdorim të votave.
“Për detajet e këtij operacioni do të njoftoheni në përfundim të tij”, ka konfirmuar për media zëdhënësja e Policisë së Kosovës, major Luljeta Mehmeti.
Sipas raportimeve të para, më shumë se 100 zyrtarë të angazhuar nga KQZ për zgjedhjet e 28 dhjetorit janë thërritur për t’u marrë në pyetje.
/KosovaPress//r.e/