FOKUS – Çmimet e naftës bien dhe bursat rriten, pas armëpushimit të shpallur nga Trump

ROMË, 23 mars /ATSH-ANSA/ – Çmimet e naftës ranë, ndërkohë që bursat evropiane të aksioneve vazhduan trendin e tyre në rritje, pas pas armëpushimit të shpallur nga Trump, i cili njoftoi se ka shtyrë për pesë ditë sulmet ndaj centraleve dhe infrastrukturës energjetike iraniane.

Pas një fillimi të vështirë, tregjet po shohin evolucionin e luftës në Lindjen e Mesme dhe duken të sigurta në mundësinë e një zgjidhjeje.

”Wall Street” përshpejtoi pas njoftimit të Trump.

”Dow Jones” rritet me 1,94% në 46,459.25 pikë,

”Nasdaq” përparon me 2,02% në 22,085.45 pikë, ndërsa S&P 500 fiton 1,77% në 6,621.88 pikë.

Indeksi ”Stoxx” 600 u rrit me 1%.

Frankfurti (+1,7%), Madridi (+1,4%), Milano (+1,3%), Parisi (+1,2%) dhe Londra (+0,2%) performuan mirë.

Aksionet e energjisë ranë (-3,5%), me çmimet e naftës që ranë ndjeshëm.

WTI ra me 7,7% në 90,85 dollarë për fuçi.

Çmimet e naftës po bien ndjeshëm në Nju Jork, duke rënë me 9,28% në 89,11 dollarë për fuçi.

Nafta bruto Brent ka rënë me 8% në 102,02 dollarë.

Presidenti amerikan Donald Trump tha se SHBA-ja dhe Irani kanë zhvilluar bisedime për një “zgjidhje të plotë dhe totale të armiqësive” në Lindjen e Mesme, duke njoftuar se për pasojë ka shtyrë për pesë ditë sulmet ndaj centraleve dhe infrastrukturës energjetike iraniane, sipas BBC.

”Një ndalesë pesëditore e sulmeve kundër objekteve energjetike iraniane”, deklaroi Trump, sipas ANSA-s.

Sipas raportimeve të sotme, vendimi lidhet me përpjekjet për të rihapur Ngushticën e Hormuzit dhe për të ulur rrezikun e një përshkallëzimi të mëtejshëm.

Trump kishte paralajmëruar të shtunën mbrëma se Irani kishte 48 orë kohë për të rihapur kalimin detar të Hormuzit, duke kërcënuar se në të kundërt SHBA-ja do të shkatërronte centralet iraniane.

Ngushtica e Hormuzit konsiderohet një arterie jetike për tregtinë botërore të naftës dhe gazit, ndaj zhvillimet atje po ndiqen me alarm nga tregjet dhe qeveritë./  a.jor.