FOTO/ Dëmet që lanë pas përmbytjet në Gjirokastër

Reshjet e shumta dhe me intensitet të lartë që përfshinë qytetin e Gjirokastrës shkaktuan daljen e përroit të Ficos nga shtrati. Si pasojë, uji vërshoi në disa zona të qytetit, duke përmbytur rrugë.

Si pasojë e shirave të rrëmbyeshëm, në disa rrugë janë grumbulluar inerte, baltë dhe mbeturina, duke vështirësuar qarkullimin e automjeteve dhe këmbësorëve.

Pamjet e siguruara nga vendngjarja tregojnë qartë vështirësitë në lëvizje në infrastrukturën rrugore.

Autoritetet lokale po monitorojnë situatën dhe u kanë bërë thirrje qytetarëve që të tregojnë kujdes të shtuar. Apelohet për shmangien e lëvizjeve të panevojshme gjatë këtyre orëve, pasi parashikimet meteorologjike tregojnë se moti i paqëndrueshëm do të vijojë edhe në orët në vijim.

/rtsh.al/