FRANCË – Parlamenti miraton rinovimin automatik të lejeve të qëndrimit afatgjatë

PARIS, 12 dhjetor /ATSH/- Ligjvënësit francezë në Asamblenë Kombëtare kanë miratuar një propozim që synon rinovimin automatik të lejeve të qëndrimit afatgjatë – duke e bërë potencialisht më të lehtë navigimin në sistemin e emigracionit të vendit, sipas “France24”.

Masa synon të adresojë një “padrejtësi të dukshme” të lidhur me rritjen e kohës së përpunimit, pavarësisht se autoritetet miratojnë më shumë se 99% të aplikimeve.

Gjithashtu, mund të lehtësojë bllokimet në prefekturat franceze. Dje në mbrëmje, Asambleja Kombëtare miratoi një projektligj që synon të lejojë rinovimin automatik të lejeve të qëndrimit afatgjatë.

Midis anëtarëve të parlamentit, projektligji u votua me 98 vota pro – 37 votuan kundër.

E propozuar nga deputetja socialiste Colette Capdevielle, masa synon të adresojë një “padrejtësi të dukshme” të lidhur me kohën e gjatë të përpunimit për rinovimin e lejeve të qëndrimit afatgjatë dhe kartave të rezidentit, edhe pse më shumë se 99% e aplikimeve miratohen.

“Ne kemi arritur të bllokojmë sistemin për më pak se 1% të rasteve”, tha ajo, duke iu referuar listave të gjata të pritjes, muajve që duhen për të marrë një takim, platformave të mbingarkuara dhe, si pasojë, ndërprerjeve të përfitimeve që çojnë në humbjen e punës, pamundësinë për të marrë me qira një shtëpi ose ndërprerjeve në mbulimin e sigurimit shëndetësor.

Legjislacioni përcakton që lejet shumëvjeçare – deri në katër vjet – dhe lejet e qëndrimit – 10 vjet – do të rinovohen automatikisht, vetëm nëse administrata tregon baza ligjore për refuzim.

Ministrja e deleguar pranë ministrit të Brendshëm, Marie-Pierre Vedrenne theksoi kohëzgjatjen e përpunimit në përkeqësim, ndërsa mbrojti kundërshtimin e qeverisë, duke përmendur rreziqet ligjore dhe kushtetuese që lidhen me rinovimet automatike “pa shqyrtim individual”.

Ajo, gjithashtu e konsideroi masën “joefektive”, duke argumentuar se do të zhvendoste ngarkesën e punës – pa ulur kohën e përpunimit dhe se do të dështonte në adresimin e disa “situatave problematike”. //a.i/

Propozimi – i paraqitur për herë të parë nga ligjvënësja, Fatiha Keloua Hachi – synon të zëvendësojë intervistat e rinovimit personal me një deklaratë të thjeshtuar online – me kusht që shtetasit e huaj – të kenë respektuar ligjet franceze dhe të vazhdojnë të përmbushin kushtet origjinale të pranueshmërisë.

Sipas rregullave aktuale, mbajtësit e lejeve shumëvjeçare të qëndrimit duhet të paraqiten në prefekturë disa muaj para përfundimit të afatit, të paraqesin dokumente dhe të dhëna biometrike të përditësuara dhe shpesh të presin shumë javë për një vendim.

Ekipet e burimeve njerëzore janë ankuar se këto vonesa prishin planifikimin dhe rrisin rrezikun që punonjësit apo personat në varësi të tyre të humbasin statusin.

Raporti i komitetit thekson se gati 1,3 milionë rinovime ishin përpunuar në vitin 2024, duke bllokuar stafin e prefekturës dhe duke gjeneruar rreth 120 milionë euro – kosto indirekte për punëdhënësit dhe autoritetet lokale.

Nëse miratohet, projektligji do të prezantojë një sistem “rinovimi të heshtur” të ngjashëm me konceptin e vizave elektronike të Britanisë së Madhe – banorët do të ngarkojnë të dhëna të adresës, deklarata tatimore dhe një fotografi të kohëve të fundit përmes portalit online ANEF; mungesa e një kundërshtimi nga prefektura brenda dy muajve do të shkaktonte rinovimin automatik.

Raporti bën thirrje gjithashtu për një ulje drastike të tarifave të rinovimit—nga 225 euro në 100 euro—dhe për një kanal të ri apelimesh drejtuar avokatit të popullit të administratës digjitale të Francës.

Ofruesit e shërbimeve të specializuara si “VisaHQ” tashmë po përgatiten për të mbështetur kompanitë dhe individët ndërsa sistemi ndryshon.

Përmes platformës së dedikuar për Francën (https://www.visahq.com/france/), “VisaHQ” mund të menaxhojë regjistrimet online, të gjurmojë afatet e rinovimit të heshtur dhe të përpunojë të dhënat digjitale të kërkuara, duke u dhënë ekipeve të Burimeve Njerëzore një panel të vetëm për të monitoruar statusin e çdo punonjësi. //a.i/