FUTBOLL – Mourinho te ”Benfica”?

LISBONË, 18 shtator /ATSH/ – Jose Mourinho thotë se është afër emërimit si trajner i ”Benfica”-s, pasi mbërriti në Lisbonë për bisedime me klubin portugez.

Mourinho pritet të zëvendësojë Bruno Lage, i cili u shkarkua pas humbjes së së martës në shtëpi në Ligën e Kampionëve kundër ”Qarabag”.

62-vjeçari ka qenë pa punë për më pak se një muaj pasi u shkarkua nga ”Fenerbahce”.

“Benfica’ më pyeti zyrtarisht nëse isha i interesuar. Cili trajner i thotë jo asaj? Jo unë”, u tha Mourinho gazetarëve, pasi mbërriti në Lisbonë.

Në një deklaratë për rregullatorin financiar të Portugalisë, jashtë CMVM, të enjten, ”Benfica” konfirmoi se “negociatat janë duke u zhvilluar” me Mourinhon dhe ata presin që ato të “përfundojnë së shpejti”.

Mourinho e filloi karrierën e tij si trajner me ekipin në vitin 2000, por mori drejtimin e vetëm 11 ndeshjeve dhe u largua pas një mosmarrëveshjeje me presidentin e klubit.

Më pas, ai bëri emër me ”Porto”-n midis viteve 2002 dhe 2004, duke fituar gjashtë trofe – përfshirë Ligën e Kampionëve në sezonin 2003-04.

Që nga largimi i tij nga atdheu në vitin 2004, Mourinho ka drejtuar ”Chelsea”, ”Inter”, ”Real Madrid”, ”Manchester United”, ”Tottenham Hotspur”, ”Roma” dhe ”Fenerbahce”./ a.jor.