GJENEVË – BE masa ndëshkuese prej 13,6 milionë dollarësh në mosmarrëveshjen për ullinjtë me SHBA-në

GJENEVË, 29 tetor /ATSH-DPA/- Bashkimi Evropian mund të vendosë masa ndëshkuese që arrijnë në 13,6 milionë dollarë në vit – në mosmarrëveshjen tregtare me Shtetet e Bashkuara të Amerikës për ullinjtë spanjollë të pjekur, pas një vendimi të arbitrazhit.

Vendimi u publikua sot nga Organizata Botërore e Tregtisë (OBT), në Gjenevë.

Mosmarrëveshja ka të bëjë me ullinjtë e pjekur, për të cilët SHBA-ja vendosi tarifa speciale në vitin 2018.

BE-ja paraqiti një ankesë në vitin 2019, e cila tashmë është mbështetur. SHBA-ja premtoi se do të ndryshonte rregulloret e saj, por BE-ja e konsideroi këtë të pamjaftueshme, dhe kjo tani është konfirmuar nga OBT-ja.

OBT-ja tha se vendimi i fundit i arbitrazhit nuk mund të apelohej më tej. BE-ja tani mund të kërkojë zyrtarisht vendosjen e masave ndëshkuese, dhënia e të cilave konsiderohet thjesht një formalitet.

Bashkimi Evropian, fillimisht ka kërkuar të vendoste një gjobë prej 35 milionë dollarësh në mosmarrëveshjen me SHBA-në. //a.i/