Gjykata lë në arrest shtëpie dy protestues, për të tjerët detyrim paraqitje

TIRANË, 5 korrik /ATSH/ Gjykata e Tiranës caktoi sot masat e sigurisë për 19 personat e arrestuar gjatë protestës së zhvilluar dy ditë më parë para Kuvendit.

Trupi gjykues ka caktuar masën detyrim paraqitjeje për 12 prej protestuesve, ndërsa dy persona do të qëndrojnë në masën arrest në shtëpi. Për pesë të tjerët, gjykata nuk ka vendosur masë sigurie.

Sipas medieve, gjykata ka vlerësuar të ligjshëm ndalimin e protestuesve. Për personat ndaj të cilëve është caktuar masa detyrim paraqitjeje, paraqitja pranë autoriteteve do të bëhet një herë në muaj ose një herë në dy muaj, sipas përcaktimit të vendimit gjyqësor

/e.i/r.e/