"Himarjotet e djemte vlonjate, me kete kryetar bashkie te merren seriozisht"

HIMARE - Nuk eshte hera e pare qe kryetari i bashkise se Himares, Vasil Bollano akuzohet nga politika per vjedhje te tokave e kerkohen hetime mbi te. Madje dhe nga i njejti deputet i LSI, Nikollaq Neranxi. Prej kohesh ne seanca plenare e diskutime, ai e ka cilesuar kryebashkiakun si nje nder personat kryesor qe po mban peng reformen e tokes ne Himare e po peng investimet ne zonen bregdetare. Po keshtu edhe deputeti Spartak Ngjela, i cili ka kerkuar nisjen e menjehershme te hetimeve mbi te si dhe shkarkimin nga detyra. Neranxi ka deklaruar vijimesisht se Bollano ka lidhje te fshehte me grupe interesi qe po kryejne dokumente per pervetesimin e trojeve ne Himare. Sipas tij, Bollano shfaqet perdite e me shume si nje rrezik grabites per himarjotet e ndershem dhe me trashegimine pronesore ne kete vis te begate te vendit. Nderkohe qe dje tonet kane qene me te ashpra ndaj tij. "Une i bej thirrje patriotizmit te himarjoteve e djemve vlonjate te merren seriozisht me kete kryetar bashkie qe po inatos gjithe shqiptaret. Kush eshte ky, te na dale njehere", reagoi dje deputeti Ngjela. "Tokat tuaja jane tuajat, e ju them se qe nga Llogoraja e deri ne Sarande eshte diamant i ekonomise se ardhme te Shqiperise e eshte detyre e juaja ta kuroni dhe ta mbroni ne te ardhmen. Ju them edhe njehere qe ne do te punojme seriozisht me kete komision qe gjithcka te kaloje ligjerisht e ne baze te ligjit. Askush nuk do te guxoje t'ju marre ju pronat dhe tapite qe jane tuajat", deklaroi Ngjela.