Dukati, ne proteste kunder parkut energjetik ne Vlore

Vlore- Banoret e fshatit Dukat hidhen ne proteste kunder ndertimit te nje parku ere energjetik. Perfaqesia e banoreve e drejtuar nga Lavdosh Feruni, ka dale ne nje konference per shtyp duke deklaruar edhe arsyet perse ky park eshte i rrezikshem sipas tyre. "Ne kete rast nuk behet fjale per ndotjen e ajrit, po per ndotje akustike. Ketu do te ndertohen kulla rreth 150 meter te larta, te cilat do t'i prishin imazhin gjithe kesaj zone. Kjo eshte e paprecedent nga pikepamja e imazhit dhe shume e gabuar jo vetem per fshatin Dukat, po per te gjithe zonen perreth", u shpreh Feruni gjate konferences. Ndersa kane qene te mbeshtetur edhe nga banore te tjere te zones, perfaqesia paralajmeroi me protesta te tjera deri ne gjetjen e nje zgjidhjeje. "Me teper se per feste, dukatasit jane mbledhur per te protestuar dhe per te diskutuar nismat qe do te marrim per te mos lejuar veprime te tilla te paprecedente nga ana e qeverise shqiptare", tha Feruni. Ai deklaroi se behet fjale per nje vendim te qeverise te dates 5 Gusht, por ky vendim eshte shoqeruar me pakenaqesi dhe ankesa te banoreve te Dukatit. "Ne do te insistojme dhe do te ngreme zerin qe Dukatit te mos i behet kjo padrejtesi, madje dhe as zonave perreth. I jane dhene ne perdorim me nje kontrate disa dekadash nje firme siciliane nje hapesire prej rreth 95 ha per ndertimin e nje parku energjetik", perfundoi Feruni. Edhe ndertimi i nje TECI ne Vlore eshte shoqeruar me reagime te fuqishme nga Aleanca per Gjirin e Vlores gjate viteve te fundit.

O.Hila