Ivanka Trump mbërrin në Vlorë, shoqërohet me forca të shumta policie

Vajza e presidentit amerikan Donald Trump, Ivanka Trump ka mbërritur sot në Vlorë, dhe është shoqëruar me forca të shumta policie.

Vizita e saj është zhvilluar nën masa të rrepta sigurie dhe e shoqëruar nga një delegacion, ndërsa lëvizjet janë monitoruar nga automjete policie.

Ivanka Trumpështë parë duke lëvizur në zonën e Ujit të Ftohtë, ku pritet të zhvillojë një takim të rëndësishëm për të diskutuar mbi mundësinë e një investimi në ishullin strategjik të Sazanit.

Pamjet e mbërritjes së saj janë siguruar nga RTSH, teksa shfaqet shoqëruar nga disa automjete policie.

Gazetarja e RTSH, Afrovita Hysaj, raporton se Ivanka Trump do të zhvillojë takim me një studio arkitekturore.

Sipas saj, diskutimet do të fokusohen në mënyrën e realizimit të projektit dhe detajet e investimit të mundshëm në ishullin strategjik të Sazanit.

Takimi po zhvillohet në zonën e Molit të Naftës, në Ujë të Ftohtë, kupo shqyrtohen mundësitë konkrete të projektit, investimit në ishullin e Sazanit.

/rtsh.al/