Izraeli thotë se ka vrarë kreun e ri të forcave të armatosura të Iranit

Ushtria izraelite tha të martën se kishte vrarë Ali Shadmanin, të cilin e identifikoi si shefin e shtabit të Iranit gjatë kohës së luftës dhe tha se ishte komandanti më i lartë ushtarak.

Sulmi u krye nga Forcat Ajrore Izraelite, tha ushtria në një deklaratë, raporton Reuters.

Shadmani, i përshkruar nga ushtria izraelite si komandanti më i lartë operativ i forcave të armatosura iraniane dhe një bashkëpunëtor i ngushtë i Udhëheqësit Suprem Ajatollah Ali Khamenei, kishte komanduar si Trupat e Gardës Revolucionare Islamike ashtu edhe ushtrinë iraniane.

Ai u emërua për të udhëhequr forcat e armatosura të Iranit në fillim të luftës pesë-ditore, pasi Izraeli vrau paraardhësin e tij, Alaa Ali Rashid, në një sulm të mëparshëm që nisi luftimet aktuale.

Vrasja e tij “i shtohet një serie eliminimesh që synojnë udhëheqjen më të lartë ushtarake të Iranit dhe prish zinxhirin e komandës”, tha ushtria izraelite.