“Jemi gati për në Europë”, Aulon Kalaja denoncon gjendjen e rëndë të banorëve në Halili (Albanopolis)

Gazetari Aulon Kalaja ka publikuar një denoncim për gjendjen e rënduar të jetesës në zonën e Halilit, në Albanopolis, ku sipas tij 9 familje jetojnë në një pallat të rrënuar dhe në kushte që rrezikojnë sigurinë e tyre.

Në një reportazh të shpërndarë prej tij, Kalaja thekson kontrastin mes aspiratave për integrim europian dhe realitetit në terren, duke e shoqëruar denoncimin me pamje nga godina e amortizuar.

Sipas materialit të publikuar, banorët e pallatit shprehen se godina ndodhet në gjendje të rënduar strukturore dhe se çdo ditë përballen me rrezik të mundshëm për jetën.

Gazetari sjell gjithashtu dëshmitë e banorëve, të cilët apelojnë për ndërhyrje urgjente nga institucionet përgjegjëse, ndërsa situata mbetet e pazgjidhur prej kohësh.

Pamjet e publikuara kanë ngjallur reagime në rrjet, duke rikthyer në vëmendje problematikat e banesave të amortizuara në zona të ndryshme të vendit.