KROACI – Katër persona humbin jetën pas rrëzimit të një avioni të vogël

VJENË, 4 qershor /ATSH-DPA/ – Katër persona humbën jetën pasi një avion i vogël u rrëzua mbi gadishullin e Istrias në Kroaci, raportuan sot mediat lokale, duke cituar burime të policisë.

Sipas Ministrisë së Jashtme të Austrisë, viktimat ishin shtetas austriakë.

Avioni i tipit “Beechcraft Bonanza” u rrëzua gjatë afrimit për ulje në aerodromin e Medulinit, pranë qytetit bregdetar të Pulas.

Një dëshmitar okular i tha transmetuesit publik kroat HRT se avioni humbi   kontrollin para se të përplasej në tokë.

Shkaqet e aksidentit mbeten ende të paqarta.

Sipas transmetuesit austriak ORF, avioni ishte i regjistruar në Gjermani dhe ishte nisur nga një aeroport pranë qytetit  Linz në Tirolin Lindor.

Autoritetet kroate kanë nisur hetimet në vendngjarje për të përcaktuar rrethanat dhe shkakun e rrëzimit.

Aksidenti ndodhi në afërsi të Medulinit, një zonë turistike në gadishullin e Istrias, ndërsa operacionet e hetimit dhe identifikimit të viktimave vazhdojnë. /Ad.Ab./