Kapet 2.4 ton drogë në portin britanik, vinte nga Amerika Latine

Autoritetet britanike kanë sekuestruar një sasi rekord kokaine e cila ka vlerën e 100 milonë paund. Sipas mediave britanike ky mund të konsiderohet si një nga operacionet më të mëdha të drogës në vitet e fundit.

Sipas mediave  më herë gjatë këtij muaji u zbuluan 2.4 ton drogë, por sasia u kap kur mbërriti në portin London Gateëay në një anije kontejnerësh nga Panamaja.

Me ndihmën e operatorit të portit, 37 kontejnerë të mëdhenj u zhvendosën për të zbuluar drogën, me vlerë rreth 96 milionë paund.

Ky është sekuestrimi i gjashtë më i madh i kokainës në historinë e Mbretërisë së Bashkuar, sipas Forcës Kufitare.

Anijet me kontejnerë janë një nga mënyrat kryesore me anë të të cilave bandat ndërkombëtare kontrabandojnë drogë ​​në Mbretërinë e Bashkuar sipas autoriteteve të vendit.

Ndërkohë, një sasi prej,170 kg ketaminë dhe 4,000 pilula ekstazi u gjetën në një kamion në Portin e Doverit.

Hetuesit e Agjencisë Kombëtare Kundër Krimit vlerësojnë se vlera e ketaminës në treg do të kishte qenë rreth 4.5 milionë paund dhe 40,000 paund për ekstazinë.