Kontroll akulloreve dhe fast-food-eve

Vapa e diteve te fundit nuk ka kaluar pa lene pasoja ne shendetin e shqiptareve. Nje fakt te tille duket se e ka "ndihmuar" se tepermi mungesa e kushteve higjieno-sanitare ne te cilat shiten ushqimet. Se fundmi, me problematike duket se kane qene fast-food-et dhe pikeshitjet e akulloreve. Ky ka qene shkaku pse Drejtoria e Shendetit Publik ne kryeqytet ka nisur aksion kontrollesh ne keto pika. Te cilesuara si burime kryesore te helmimeve ushqimore, keto pika kane qene se fundmi ne "shenjester" te inspektoreve te Higjienes. Keshtu, gjate monitorimeve te kryera nga keta inspektore, deri tani ka rezultuar se ato ushtrojne aktivitetin ne mungesen e plote te kushteve higjieno-sanitare. Pikat e tregtimit te akulloreve si dhe fast-foodet kane rezultuar me nje ngarkese te theksuar mikrobike jo vetem ne vendin ku pergatiteshin dhe ruheshin produktet, por edhe ne duart e vete punonjesve qe merreshin me pergatitjen e tyre. Po t'i shtojme ketyre fakteve ekspozimin e madh ndaj temperaturave te larta, te cilat rrisin mundesine e skadimit te tyre, situata behet akoma me shqetesuese. Pikerisht per kete arsye specialistet e higjienes se kryeqytetit kane nisur serish nje aksion ne qender te te cilit jane fast-food-et. Ka pasur shume raste ditet e fundit kur disa paciente te paraqitur ne urgjencen e Spitalit Infektiv, deklaruan se kishin ngrene produkte fast-food-i, si sufllaqe, doner, sanduice, etj. Ne fakt, pas analizave te pacienteve, pretendimi i tyre per helmime pikerisht nga keto ushqime, ka rezultuar i drejte. Keshtu, relacionet qe i kane derguar mjeket infeksioniste specialisteve te Higjienes apo te Institutit te Shendetit Publik kane ndihmuar ne marrjen e nje vendimi per keto kontrolle. Sipas inspektoreve te Drejtorise se Shendetit Publik, se sidomos gjate periudhes se veres, ku mundesite per infeksione jane me te medha, edhe kontrollet behen me te shpeshta. Ata kane vene ne objektivin e tyre edhe pikat e tregtimit te akulloreve, per shkak te permbajtjes se larte te qumeshtit. Me ne gjendje skandaloze, deri tani kane rezultuar ato pikeshitje qe ndodhen ne rruge, nje pjese e mire e te cilave nuk kane poseduar licence. Nderkohe qe birrarite, per shkak te numrit te madh te frekuentuesve, jane ne qender te kontrollit te specialisteve te higjienes se kryeqytetit. Nese konstatohen raste ku sherbimi sanitar nuk eshte brenda standardeve te kerkuara, atehere specialistet e higjienes kane te drejte t'i bllokojne ata deri ne plotesimin e kushteve te kerkuara. Nese nuk ndodh nje gje e tille, ata mund te marrin vendimin edhe per mbylljen e tyre. nje vi me pare inspektoret moren 25 vendime te tilla, per shkak te higjienes se ulet te konstatuar neper keto lloj lokalesh.

Kushtet qe duhet te plotesohen

Sipas specialisteve te higjienes, nje lokal, restorant, fast-food, apo edhe pike tregtimi e akulloreve nuk eshte i paster vetem nese dyshemeja e saj lahet shpesh, apo punonjesit e tij kane veshur uniforme. Furnizimi 24 ore me uje, rrjedhshmeri e tij, banjo e rregullt, pajisje me leje higjieno-sanitare e shume elemente te tjere perbejne standardet qe kerkojne specialistet e drejtorise se higjienes. "Perdorni ushqime te fresketa, te kontrolluara, dhe brenda afatit te skadences", keshillojne specialistet. Sipas tyre, eshte mjaft e rendesishme qe ushqimet te perpunohet mire nga ana termike, pra te zihen apo te piqen plotesisht, sidomos mishi dhe pulat. Gjithashtu, keshillohet qe ushqimet e gatuara qe nuk jane konsumuar te ruhen ne kushte frigoriferike.