Kuvendi miraton ligjin për amnistinë me 84 vota, Gogu: Vendim që mbron sigurinë publike dhe respekton reformën në drejtësi

Pas miratimit të ligjit për amnistinë në Kuvend me 84 vota pro, Ministri i Drejtësisë Toni Gogu reagoi duke e cilësuar vendimin si një hap me ndikim të drejtpërdrejtë në jetën e mijëra qytetarëve.

Ai theksoi se ligji i ri është i konceptuar për të garantuar sigurinë publike, për të respektuar reformën në drejtësi dhe për të krijuar mundësi rehabilitimi për ata që plotësojnë kushtet e përcaktuara.

Përmes një postimi në rrjetet sociale, Gogu e cilësoi vendimin si një hap me ndikim konkret në jetën e mijëra qytetarëve.

“Mes zhurmës së politikës së ditës, Kuvendi mori sot një vendim me pasoja konkrete për jetën e mijëra qytetarëve”, shkruan ministri.

Sipas Gogu, ligji i miratuar synon të garantojë sigurinë publike, të respektojë reformën në drejtësi dhe, njëkohësisht, të krijojë mundësi rehabilitimi për personat që plotësojnë kriteret e përcaktuara nga ligji.

“Ky është një ligj që mbron sigurinë publike, respekton reformën në drejtësi dhe njëkohësisht krijon mundësinë e rehabilitimit për ata që plotësojnë kushtet e përcaktuara nga ligji”, thekson ai.

Ministri i Drejtësisë nënvizon se shteti duhet të dijë të ndëshkojë kur është e nevojshme, por edhe të njohë momentin kur ndëshkimi e ka përmbushur qëllimin e vet.

“Shteti duhet të dijë të ndëshkojë kur është e nevojshme. Por duhet të dijë edhe të njohë momentin kur ndëshkimi e ka përmbushur qëllimin e vet. Ky është kuptimi i vendimit të sotëm”, përfundon reagimi i ministrit.

/rtsh.al/