“Le të fillojë gjuetia” – Çelet ekspozita e artistit Albes Fusha, ku fotografitë rrëfejnë njeriun përballë ritit dhe besimit

“Le të fillojë gjuetia” është ekspozita personale me fotografi dhe instilacione nga artisti Albes Fusha, që u çel mbrëmjen e 2 marsit në galerinë FAB të Universitetit të Arteve.

Kjo ekspozite  eksploron fenomenin se si njeriu arrin ekstazën shpirtërore përmes riteve personale dhe kolektive dhe si besimi ndërton realitete, mbledh turma dhe formon ndërgjegjen kolektive.

Koleksioni i fotove përmban dhjetëra imazhe të kapura gjatë dy dekadave, secila pjesë vizuale e këtij mozaiku emocional të veçantë.

“Është një projekt 20 vjeçar që ka filluar si një dokumentim dhe më pas u kthye në një projekt artistik”, u shpreh artisti.

Ekspozita do të qëndroj e hapur për publikun në galerinë FAB deri më datën 11 mars.

/rtsh.al/