MUZIKË – Vdes këngëtari i njohur italian, Tony Dallara

ROMË, 16 janar /ATSH-ANSA/ – Bota e muzikës është mban zi për këngëtarin e njohur italian, Tony Dallara-n, i cili vdiq sot në moshën 89-vjeçare, pasi ishte shtruar në një spital në Milano.

Hitet e tij përfshijnë ”Come Prima” dhe ”Romantica”, me të cilat fitoi Sanremon në vitin 1960, në bashkëpunim me Renato Rascel.

Emri i tij i vërtetë ishte Antonio Lardera.

Ai u lind në Campobasso më 30 qershor 1936 dhe më pas u rrit në Milano.

Dallara punoi si barist dhe nëpunës dhe e filloi karrierën e tij muzikore në grupin ”Rocky Mountains”.

Stili i tij i të kënduarit u frymëzua, në veçanti, nga këngëtarë amerikanë si Frankie Laine dhe Tony Williams.

Kënga e tij e parë “Come prima”, megjithëse u refuzua për pranim në Festivalin e Sanremos, u prezantua në dhjetor 1957 dhe shiti 300 000 kopje duke u bërë kënga më e shitur në Itali deri në atë moment.

Në vitin 1960, Dallara fitoi Sanremon dhe konkursin ”Canzonissima” me këngën “Romantica”.

Vitin pasardhës ai fitoi përsëri ”Canzonissima”-n me këngën “Bambina bambina”./  a.jor.