Mélenchon synon largimin e Francës nga NATO, tërheqja pjesë e programit të tij politik

6 Nëntor 2026 | 21:21

Partia e majtë franceze “Franca e Pabindur”, e drejtuar nga Jean-Luc Mélenchon, ka përfshirë në programin e saj zyrtar tërheqjen graduale të Francës nga NATO. Programi parashikon fillimisht largimin nga struktura e komandës së përbashkët të Aleancës dhe më pas tërheqjen nga vetë organizata. 

Sipas raportimeve nga mediat e huaja, partia kundërshton gjithashtu kërkesën për rritjen e shpenzimeve ushtarake në 5% të Prodhimit të Brendshëm Bruto. Mélenchon, i cili synon presidencën në zgjedhjet e vitit 2027, mbështet një zgjidhje diplomatike për luftën në Ukrainë dhe kërkon garanci të përbashkëta sigurie për Evropën. 

Programi parashikon gjithashtu kontroll më të rreptë të industrisë së armëve, kundërshtim të garës së armatimeve në hapësirë dhe mbylljen e qendrës hapësinore të NATO-s në Tuluzë. Në garën presidenciale, Mélenchon po shfaqet si një nga kandidatët kryesorë të së majtës franceze, ndërsa qëndrimet e tij për NATO-n pritet të hapin debat të fortë politik në Francë.

Kryefaqja

Shiko në:

Lajme të Sugjeruara

• 21:13 Hungaria hap dosjet: A ishte dhe Viktor Orbán, agjent i Sigurimit të Shtetit?
• 21:12 150-vjetori i lindjes së Faik Konicës, prezantohen në Korçë libra, letra origjinale dhe fotografi të rralla
• 21:12 Franca në alarm për protestat e së shtunës, 70 mijë policë dhe xhandarë në rrugë
• 21:11 Alarmet për bomba në avionët europianë, dyshimet bien mbi grupin rus “Male State”
• 21:10 Shpëtohen 40 emigrantë në det në Kretë, autoritetet greke ndërhynë në kohë
• 21:06 Durrës! 37-vjeçari dhunon me sende të forta prindërit, babai në gjendje të rëndë shëndetësore