Modriç mbetet “i paoksidueshem”/ Kapiteni kroat vazhdon në nivele të larta me kombëtaren

Është në të njëjtën moshë si Kristiano Ronaldo.

Luka Modriç gjithsesi vazhdon të lerë shenjë edhe kur ka 41 vite mbi supe, gjë që superylli portugez nuk e bën dot gjithmonë.

Kapiteni I Kroacisë shënoi golin e 30-të me kombëtaren, pikërisht në fitoren 2-1 në fushën e Çekisë në Ligën e Kombeve, ndërsa sfida e radhës është madhështore.

Këtë të martë, të mbiquajturit “të zjarrtët” do të luajnë në Sevilje përballë Spanjës, kampione e botës dhe e Europës në fuqi.

Suksesi duket I pamundur, por me një Modriç të tillë, të besuarit e trajnerit të ri, Slaven Biliç, kanë shpresë edhe në “gojën e ujkut”.

Ish-mesfushori madhështor I Realit, sot tek Milani, nuk ka ndërmend ta mbyllë karrierën, e ndoshta pas Ligës së Kombeve do të synojë edhe finalet e Botërorit në 2028, kur të jetë 43 vjeç.

Kjo, edhe pas 203 ndeshjeve me fanelën e Kroacisë, dhe 30 rrjetave të shënuara.

Për numrin e paraqitjeve, Modriç u ngjit në vendin e tretë të lojtarëve me më shumë ndeshje në kombëtare për të gjitha kohët, pas Ronaldos e Mesit, duke lënë pas Al Mutauan e Kuvajtit.

Sukseset kanë qenë të shumta, ndonëse ai që duhej të kishte qenë kulmi, u kthye në zhgënjimin më të madh pas humbjes së finales së Kupës së Botës 2018 në Rusi përballë Francës.