Muaji i ndërgjegjësimit për kancerin e gjirit, Teatri “Skampa” në Elbasan ndriçon rozë

TIRANË, 24 tetor /ATSH/ Në kuadër të muajit të ndërgjegjësimit kundër kancerit të gjirit, Teatri “Skampa” në Elbasan, u ndriçua mbrëmjen e sotme me ngjyrën rozë, simbolin ndërkombëtar të kësaj fushate.

Kryeministri Edi Rama, ndau në rrjete sociale pamje nga qyteti i Elbasanit teksa shkroi: “Teatri Skampa në Elbasan ndriçon rozë”.

Fushata e muajit tetor ka për qëllim rritjen e ndërgjegjësimit për rëndësinë e kontrollit të hershëm, edukimin për shëndetin e gjirit, si dhe mbështetjen ndaj grave dhe vajzave që përballen me këtë sëmundje në mbarë botën.

Ky gjest simbolik është pjesë e një sërë aktivitetesh sensibilizuese që zhvillohen në të gjithë vendin, për të theksuar rëndësinë e parandalimit dhe diagnostikimit të hershëm të kancerit të gjirit, si faktorë kyç për shpëtimin e jetës.

/gj.m/a.f/r.e/