Muharem Seidolli, kovaçi i fundit që mban gjallë një zanat të lashtë në Voskop

Në një kohë kur profesionet tradicionale po zhduken, artizani Muharem Seidolli në fshatin Voskop vazhdon të punojë hekurin me zjarr dhe çekiç, duke ruajtur një traditë të vjetër të zonës.

Në një kohë kur shumica e veglave prodhohen në fabrika dhe teknologjia ka zëvendësuar shumë zanate tradicionale, ai vazhdon të punojë me përkushtim në punishten e tij, ashtu siç është bërë për shekuj me radhë.

Ai është ndër të vetmit në zonë që e ushtron ende këtë profesion. Në punishten e tij të vogël, krijohen vegla pune të dobishme për banorët e fshatit dhe zonave përreth.

Çdo vegël që del nga duart e tij është rezultat i përvojës, durimit dhe dashurisë për zanatin.

Nëpërmjet këtij profesioni, ai mban gjallë një pjesë të historisë dhe kulturës së zonës, duke treguar se zanatet tradicionale kanë ende vlerë dhe rëndësi në jetën e përditshme.

Gazetare: G. Manushi  

/rtsh.al/