Nga duart e nënave te raftet e qilarëve- Zahiretë e dimrit, një zakon që vijon në Kolanec të Maliqit

Në Kolanecin malor të qytetit të Maliqit, dimri nuk i kap të papërgatitura zonjat e fshatit. Zahireja përgatitet me dashuri e durim, në çdo shtëpi, ku aroma e turshive, e reçelrave dhe e salcave mbush oborret dhe kuzhinat.

Gratë e zonës, të njohura për mjeshtërinë e tyre, ruajnë ende zakonet e vjetra të përgatitjes së zahireve. Duke ruajtur traditat e vjetra, të mësuara nga nënat edhe gjyshet e tyre, në raftet e qilarëve të tyre ndodhen të renditura kavanozat me ngjyra, shishet me verë të bërë në shtëpi, uthulla, e deri tek petkat dhe dromkat, gjithçka që mban aromën e punës dhe të bashkimit familjar.

“Nuk ka dimër pa zahire këtu në Kolanec”, thonë zonjat e fshatit, duke kujtuar se këto ushqime nuk janë vetëm nevojë, por edhe kujtim i brezave që kanë ditur të jetojnë me natyrën.

“Është koha që përgatitim zahiretë tani për dimër”, thotë amvisa Vera Kolli.

Në Kolanec, përgatitjet e dimrit janë më shumë se traditë, janë pjesë e identitetit, një mënyrë për të ruajtur shijen, kujtesën dhe shpirtin e vendit.

/rtsh.al/