Operacioni “Streha” në Kurbin: Kapet me mbi 7 kg kanabis 62-vjeçari me precedent penal

Policia e Kurbinit, në bashkëpunim me Forcat e Posaçme “Shqiponja”, ka finalizuar me sukses operacionin policor të koduar “Streha”, i cili kishte në fokus goditjen e veprimtarive kriminale në fushën e narkotikëve.

Bazuar në informacione të siguruara në rrugë operative, shërbimet e Policisë ushtruan kontroll në banesën e shtetasit B. Z., 62 vjeç, banues në fshatin Vinjoll, ku u gjetën dhe sekuestruan 7 kilogramë e 350 gramë lëndë të dyshuar narkotike të llojit cannabis sativa.

Nga hetimet paraprake dyshohet se lënda narkotike ishte e destinuar për shitje në doza.

Shtetasi B. Z., i cili rezulton me precedent penal për disa vepra të mëparshme, u arrestua në flagrancë për veprën penale “Prodhimi dhe shitja e narkotikëve”.

Materialet procedurale janë referuar Prokurorisë për veprime të mëtejshme, ndërsa vijojnë hetimet për dokumentimin e plotë të kësaj veprimtarie kriminale.

/rtsh.al/