PORTRET – Karol Nawrocki historiani i shndërruar në president

VARSHAVË, 2 qershor /ATSH-DPA/ – Konservatori i pavarur Karol Nawrocki është një historian që nuk ka mbajtur kurrë poste publike, ndërkohë që sapo fitoi balotazhin për presidencën polake.

Kjo mund ta ndihmojë 42-vjeçarin për partinë nacionaliste konservatore ”Ligj dhe Drejtësi” (PiS) në një vend të lodhur nga manovrat politike dhe për ta motivuar atë, pas vendimit të kreut të PiS, Jaroslaw Kaczynski për të nxitur nominimin e tij.

Nawrocki përmbush të gjitha kriteret e mentorit të tij.

Ai është i ri, i gjatë, imponues, njohës i gjuhëve të huaja dhe njeri familjar me dy fëmijë.

Si kreu i Institutit të Kujtesës Kombëtare, i ngarkuar me vlerësimin e së kaluarës së afërt komplekse të vendit, ai urdhëroi shkatërrimin e memorialeve sovjetike pas pushtimit rus të Ukrainës, duke shfrytëzuar këtë veprim në media dhe duke shkaktuar zemërimin e Kremlinit.

Arsimimi i tij në një zonë të klasës punëtore në Gdansk, karriera e tij e suksesshme në boksin amator dhe puna e tij si roje klubesh nate, ndërsa ishte student, ishin përparësi për shumë votues.

Nawrocki përfaqëson politikat nacional-konservatore dhe populiste të PiS, e cila sundoi Poloninë nga viti 2015 deri në vitin 2023.

Ai synon të ruajë vlerat tradicionale polake dhe paralajmëron kundër transferimit të pushteteve te BE-ja.

Në të gjitha këto, ai gëzon mbështetjen e Presidentit të SHBA-së Donald Trump, i cili i dha atij një audiencë në Shtëpinë e Bardhë në fillim të majit gjatë fushatës presidenciale polake.

Raportet negative të shtypit për dëbimin e një burri të moshuar nga një apartament për përfitimin e tij personal dhe një zbulim i kohëve të fundit se ai mori pjesë në një trazirë futbolli në Gdansk në vitin 2009 dëmtuan shanset e tij te disa votues, por gjithashtu i rritën ato midis mbështetësve të krahut të djathtë./  a.jor.