Parisi kthehet në një fushë beteje pas fitores së PSG ndaj Arsenalit: 416 të arrestuar dhe dhjetëra të plagosur
Policia franceze ka arrestuar mbi 400 persona pas përleshjeve të dhunshme që shpërthyen pas fitores së Paris Saint-Germain ndaj Arsenalit në finalen e Ligës së Kampionëve.
Ministri i Brendshëm bëri të ditur se 416 të dyshuar u ndaluan deri në orët e para të mëngjesit të së dielës, përfshirë 283 vetëm në zonën e madhe të Parisit.
Atmosfera festive në kryeqytet u shndërrua shpejt në një skenë kaosi.
Festimet e tifozëve francezë u kthyen në përplasje trup më trup me policinë, duke detyruar autoritetet të përdorin gaz lotsjellës për shpërndarjen e turmave.
Shtatë oficerë policie u plagosën, njëri prej tyre rëndë, ndërsa skena paniku u raportuan pranë Parc des Princes.
Në zonën Porte de Saint-Cloud, biçikletave iu vu flaka dhe një makinë u përfshi nga zjarri, duke reflektuar klimën e trazirave. Në Place de la Republique, qindra tifozë u zmbrapsën nga ndërhyrjet e njësive speciale CRS dhe u zhvendosën drejt Boulevard Voltaire e Place de la Nation.
Për shkak të tensioneve, IDF Mobilites njoftoi pezullimin e të gjitha shërbimeve të autobusëve në rajonin e Parisit, ndërsa disa linja tramvaji u ndërprenë përkohësisht. Vendimi u mor për të mbrojtur pasagjerët dhe punonjësit e transportit publik.
Paris Saint-Germain wygrywa tegoroczną odsłonę Ligi Mistrzów.
— Pan_komentator (@PanP23929) May 30, 2026
Pora więc na świętowanie, czyli coroczną tradycję:
– Palenia śmietników
– Palenia samochodów
– Bezpośrednich starć z policją
– Napadów rabunkowych
– Niszczenia centrum Paryża
A w telewizji dalej będą nam wmawiać, że… pic.twitter.com/EIQ9QsjIlP
/rtsh.al/