Pas Metës GJKKO cakton “detyrim paraqitje” edhe për deputeten Monika Kryemadhi
TIRANË, 21 tetor /ATSH/ Sot me urdhër të Prokurorisë së Posaçme kundër Korrupsionit dhe Krimit të Organizuar është arrestuar ish-presidenti i vendit Ilir Meta.
Veç Metës, burime për mediet bëjnë me dije se GJKKO ka caktuar “detyrim paraqitje” edhe për ish-bashkëshorten e tij Monika Kryemadhi, aktualisht deputete e Partisë së Lirisë.
Ilir Meta dhe Monika Kryemadhi ishin në hetim nga Prokuroria e Posaçme akuzuar për pastrim parash, korrupsion dhe mosdeklarim pasurish. /j.p/