Peleshi me ambasadorin e Turqisë: Kontribut të veçantë në thellimin e bashkëpunimit parlamentar dhe partneritetit strategjik mes dy vendeve

Kryeparlamentari Niko Peleshi ka pritur në një takim Ambasadorin e Turqisë në Shqipëri Tayyar Kağan Atay të cilin e falënderoi për kontributin që ka dhënë në forcimin e marrëdhënieve mes dy vendeve.

Teksa ka publikuar një foto nga takimi, Peleshi bën me dije se i ka shprehur mirënjohjen ambasadorit Atay për angazhimin e tij në zgjerimin e bashkëpunimit parlamentar mes Kuvendit dhe Asamblesë së Madhe Kombëtare, duke vlerësuar rolin e tij në konsolidimin e Partneritetit Strategjik mes Shqipërisë dhe Turqisë dhe miqësisë mes dy popujve.

“Kuvend | Mirënjohje Ambasadorit të Turqisë, Tayyar Kağan Atay, për kontributin në zgjerimin e bashkëpunimit parlamentar mes Kuvendit dhe Asamblesë së Madhe Kombëtare, Partneritetit Strategjik mes Shqipërisë dhe Turqisë dhe miqësisë mes popujve tanë”, shkruan Peleshi në rrjetin social Facebook.

/rtsh.al/