Rama: Liqeni i Shkodrës, thesari natyror i Veriut

TIRANË, 21 shtator /ATSH/ Kryeministri Edi Rama ndau sot pamje nga liqeni i Shkodrës, i cili është shndërruar në një atraksion të preferuar për vizitorët vendas dhe të huaj.

Rama theksoi se liqeni i Shkodrës është thesari natyror i Veriut.

Kryeministri nënvizoi se liqeni i Shkodrës është një vend ku qetësia e natyrës dhe gjallëria e aktiviteteve bashkohen, duke e bërë atë destinacionin ideal për pushim, aventurë dhe kulturë.

Liqeni i Shkodrës ofron mundësi argëtimi dhe kënaqësie për të gjithë turistët që dëshirojnë të shijojnë turizmin aktiv.

Ai është liqeni më i madh në Gadishullin e Ballkanit dhe shtrihet në kufirin ndërmjet Shqipërisë dhe Malit të Zi.

Ekosistemi i liqenit ushqen faunën dhe florën e pasur dhe unike, duke e shndërruar atë në një qendër të rëndësishme biodiversiteti në Evropë. Pika më e thellë e liqenit është rreth 45 metra.

/gj.m/r.e/