Rama takon Kryeministrin e Koresë së Jugut, fokus bashkëpunimi teknologjia dhe Inteligjenca Artificiale

Në Seul të Koresë së Jugut, gjatë takimit me Kryeministrin e Republikës së Koresë, Kim Minseok, u diskutua mbi 35-vjetorin e vendosjes së marrëdhënieve diplomatike mes dy vendeve, si dhe forcimin e mëtejshëm të bashkëpunimit bilateral.

Biseda u fokusua te ngjashmëritë e historive të dy kombeve dhe mundësitë për zgjerimin e partneritetit në fusha strategjike, veçanërisht në teknologji, Inteligjencë Artificiale dhe turizëm.

Palët vlerësuan marrëdhëniet pozitive mes Shqipërisë dhe Koresë së Jugut, duke theksuar rëndësinë e investimeve në inovacion dhe zhvillimin digjital si një urë e re bashkëpunimi mes dy vendeve.