Reali, Xabi Alonso: Mbappé në Superkupë? Të shikojmë

Konferenca e parë për shtyp e Xabi Alonsos për vitin 2026 shoqërohet me probleme të shumta. Gjendja e Huijsen, i cili mungoi në seancën stërvitore të mëngjesit të sotëm, mbetet për t’u vlerësuar, ashtu si edhe ajo e Kylian Mbappé për të cilin trajneri nuk pranoi të jepte një datë specifike për rikthimin e tij. Megjithatë, në prag të ndeshjes kundër Real Betis, mesazhi është i qartë: “Po i afrohemi ndeshjes me entuziazëm. Duam të luajmë një ndeshje të bukur dhe të fitojmë”.

Sa i përket Mbappé, ka kujdes të plotë: “Do t’i shtyjmë afatet. Superkupa? Do ta shohim”.

Marrëdhënia me turmën në Bernabeu pas fishkëllimave ndaj Vinícius Junior në ndeshjen e fundit të vitit 2025, ishte një tjetër temë kyçe. Xabi Alonso zgjodhi një ton pajtues: “Nesër është radha jonë për të dhënë, për të marrë, për të transmetuar atë dëshirë dhe atë ritëm që na nevojitet. Nëse rrjedh në të dyja drejtimet, do ta shijojmë”.

Lidhur me brazilianin, ai shtoi: “Vini duket mirë, është i lumtur dhe i qeshur. Pushimi ishte i dobishëm për të gjithë”.