Rubio: SHBA duhet të jetë e përgatitur për skenarin që Irani të refuzojë zgjidhjen diplomatike

Sekretari i Shtetit i Shteteve të Bashkuara, Marco Rubio, deklaroi se Uashingtoni duhet të jetë i përgatitur për “probabilitetin” që Irani mund të refuzojë përpjekjet diplomatike amerikane për t’i dhënë fund luftës.

Këtë deklaratë Rubio e bëri vetëm disa orë pasi presidenti Donald Trump shprehu optimizëm se Teherani do ta pranonte një marrëveshje të tillë.

“Nuk ka dyshim që ka njerëz atje që po flasin me ne në mënyra që drejtuesit e mëparshëm të Iranit nuk kanë folur kurrë më parë,” tha Rubio në një intervistë për ABC’s Good Morning America.

Ai shtoi se SHBA-të synojnë të testojnë aftësinë e Iranit për të mbështetur fjalët e tyre me veprime konkrete.

“Ne duhet të jemi të përgatitur për faktin se ky përpjekje mund të dështojë. Ne po merremi me një regjim 47-vjeçar që ende ka shumë njerëz të përfshirë në të, të cilët nuk janë domosdoshmërisht të mëdhenj fansa të diplomacisë dhe paqes,” vazhdoi Rubio.

Kjo deklaratë e tij në fakt kundërshton pretendimin e Presidentit Trump se SHBA-të kanë arritur efektivisht një ndryshim regjimi duke eliminuar pjesën më të madhe të udhëheqjes iraniane.

“Nëse ka njerëz të rinj tani në krye që kanë një vizion më të arsyeshëm për të ardhmen, kjo do të ishte lajm i mirë për ne, për ta dhe për të gjithë botën. Por ne gjithashtu duhet të jemi të përgatitur për mundësinë, madje edhe probabilitetin, se ky nuk është rasti,” shtoi ai.

/rtsh.al/