Rusët nuk i ndalin sulmet në Ukrainë, bombardohet rajoni i Odesës, raportohet për të plagosur!

Një tjetër valë sulmes ruse ka prekur Ukrainën. Bëhet e ditur se para bisedimeve në Abu Dhabi, Rusia bombardoi infrastrukturën energjetike të Ukrainës, duke ndërprerë energjinë elektrike në pjesë të mëdha të vendit.

Rusët sulmuan infrastrukturën energjetike dhe ndërtesat private të banimit në tre rrethe të rajonit të Zhytomyr. Këtë fakt e ka bërë me dije Vitaliy Bunechko, kreu i administratës ushtarake rajonale të Zhytomyr.

Po ashtu, të mërkurën rusët sulmuan Odesën, duke dëmtuar një shtëpi private, një makinë dhe rrugët kryesore. Mediat ukrainase japin të dhëna duke cituar kreun e administratës ushtarake të qytetit, Serhiy Lysak. “Armiku sulmoi Odesën që nga orët e para të mëngjesit. Një shtëpi private, një makinë dhe rruga u dëmtuan. Për fat të mirë, askush nuk u lëndua”, tha Lysak. Ndërkohë të martën, kanalet lokale të Telegram raportuan se një qendër tregtare ishte dëmtuar dhe kishte shpërthyer një zjarr. Nuk u raportuan të lënduar.

Në një konferencë nga Berlini, Presidenti Volodymyr Zelenskiy tha se të paktën 33 persona u vranë të hënën kur Rusia bombardoi dy herë një shkollë që po përdorej për shpërndarjen e ndihmave në fshatin Komyshuvakha, pranë vijës së frontit në rajonin Zaporizhzhia të Ukrainës. Ai tha se rreth 50 persona besohet se janë ende të varrosur nën rrënoja.

Zyrtarët rusë thanë se Ukraina i kishte vënë zjarrin gjatë natës një rafinerie të madhe nafte në qytetin e Jaroslavlit.

Sulmet, më pak se dy ditë pas përfundimit të një armëpushimi të shkurtër humanitar në qytetin Oleshky të kontrolluar nga Rusia, i arritur me ndihmën e Zonjës së Parë të SHBA-së, Melania Trump, nuk ishin shenjë e mirë për bisedimet që SHBA-të kanë planifikuar për Abu Dhabi më 10-11 nëntor.