SHBA – Trump emëron ish-prokurorin e përgjithshëm Whitaker si ambasador në NATO
UASHINGTON, 20 nëntor /ATSH-DPA/ – Presidenti i sapozgjedhur i SHBA-së, Donald Trump, emëroi ish-prokurorin e përgjithshëm, Matthew Whitaker, si zgjedhjen e tij për ambasador në NATO.
Trump tha se ”Whitaker do të forcojë marrëdhëniet me partnerët e NATO-s dhe do të qëndrojë i palëkundur përballë kërcënimeve ndaj paqes dhe stabilitetit”.
“Kam besim të plotë në aftësinë e Matt për të përfaqësuar Shtetet e Bashkuara me forcë, integritet dhe përkushtim të palëkundur”, shkroi presidenti i zgjedhur në një deklaratë.
Whitaker është një avokat dhe mori detyrën si ushtrues detyre i prokurorit të përgjithshëm për disa muaj gjatë mandatit të parë të Trump, pasi ish-presidenti shkarkoi prokurorin e tij të atëhershëm të përgjithshëm Jeff Sessions në mes të një hetimi për një marrëveshje të mundshme të fshehtë midis Rusisë dhe fushatës së Trump përpara zgjedhjeve të 2016-ës.
Emërimi i Whitaker është monitoruar nga afër duke pasur parasysh komentet e Trump për NATO-n.
Trump ka qenë prej kohësh një kritik i aleancës perëndimore të mbrojtjes, duke argumentuar se shumë anëtarë evropianë janë të lirë që nuk paguajnë shpenzimet e tyre, duke u mbështetur në taksapaguesit amerikanë./ /os/