Shpërthimi i fuqishëm në Elbasan, gazetarja jep detaje: Shkak dyshohet një bombol gazi, ka nisur evakuimi i banorëve

Gazetarja e Euronews Albania, Edlira Xherri ka zbuluar detaje të reja lidhur me shpërthimin e regjistruar në një apartament në Elbasan. Gazetarja bën me dije se zjarrfikësit kanë nisur menjëherë evakuimin e banorëve të pallatit.

Sipas saj, dyshohet se shkak i shpërthimit është bërë një bombul gazi, e cila ka sjellë dëmtimin strukturor të shkallëve dhe mureve të pallatit.

Xherri shtoi se ndonëse ende nuk ka një shifër zyrtare nga autoritetet, raportohet se ka persona të lënduar si dhe qytetarë të bllokuar brenda ambientit ku ndodhi ngjarja.

“Ju përshëndes. Në fakt ka nisur evakuimi i banorëve në Elbasan, në vendin ku ka ndodhur shpërthim i fuqishëm nga ku janë shembur jo vetëm shkallët e ndërtesës, por edhe muret e atij apartamenti.

Aktualisht shërbimi i zjarrfikës është duke bërë evakuimin e banorëve të atij pallati. Realisht ka shkaktuar tension dhe panik te të gjithë ata banorë të atij pallati, por edhe të zonës, pasi ka qenë një shpërthim i fuqishëm.

Nga informacionet që kemi deri në këto momente dyshohet të jetë shpërthimi i një bombule gazi e cila ka shkaktuar shembjen jo vetëm të shkallëve të pallatit por edhe ndërtesës, mureve të tij. Ka persona të lënduar.

Ende nuk kemi një shifër zyrtare të personave që janë lënduar, por deri në këto momente thuhet që ka persona të lënduar dhe persona të bllokuar në ambientin ku ka ndodhur shpërthimi. Vlen theksohet se policia dhe gjithë grupi hetimor me gjithë zjarrfikëse, shërbimi i ambulancës janë të gjithë në terren duke punuar për të zbardhur të plotë gjithë ngjarjen”, tha gazetarja.

Lajme të Sugjeruara